香港新浪網 MySinaBlog
« 上一篇 | 下一篇 »
胡慧沖 | 19th Aug 2011 | 胡言亂語
最近 Siam Paragon 開了間 After You 甜品店, 雖然好食, 但都是如其他甜品店供應一般的甜品, 沒有什麼驚喜, 記得香港有一間位於巷裡叫 “甜蜜蜜” 的甜品店,他們的甜品就真的多元化.

記得某次回港, 與一眾好友晚飯後, 友好推介此人氣長龍甜品店, 於是抱著睇下有幾掂既心態, 一睇餐牌, 十分吸引, 好想試. 我們點了炸芒果雪糕, 賣相好靚又好味.

炸芒果春卷原來係中國同意大利既 fusion 自創甜品, 第一次食有朱古力夾心既橙梳乎里, 焦糖燉蛋呢個法國甜品食得多, 但佢地伴脆皮雪糕, 好味又有新意, 我鍾意.

心太軟食得多, 但 他們 的朱古力味特別香濃.

看見店舖裡供奉了四面神, 於是問老闆娘, 原來她乃愛泰人仕, 年年去曼谷還神.

問她有否打算在曼谷開店, 她說其實有泰國商人邀請她們往泰國合作開甜品店, 但她說因為忙於籌備九龍城城南道分店8月開張事宜, 泰國那邊遲一點才有時間傾.

其實計我話泰人超愛甜品尤其知道來自香港且有創意,一定有得做!

她更說九龍城分店將有一系列新創意爆炸甜品推出. 嘩! 聽到個名好占士邦 feel, 啱晒我 !

下次返香港一定去九龍城的分店試下, 因老闆娘話呢d甜品只限九龍城分店供應. 傾談間, 很認同她對甜品的堅持創意, 亦可給自己借鏡, 只要堅持, 努力, 必定有人欣賞.